ما نشتغل بنظام 'النسبة المفتوحة من الصرف'، لأن فيه تعارض مصالح في فكرة كل مازاد الصرف زادت عمولتنا بغض النظر عن العائد، ولا نشتغل بمبلغ ثابت فقط، لانه مايحمس الفريق مثل العمولة وبالعكس يجبرنا نوقع مع عملاء أكثر ونقلل التركيز على العميل الواحد.
نشتغل باشتراك شهري ثابت يغطي تكاليفنا التشغيلية من الفريق والأدوات، وربحنا ناخذه من نسبة متفق عليها مربوطة بالعائد اللي نحققه لك، تفاصيلها نشرحها لك في الاتصال الاستكشافي. ملخصها ان مصلحتنا واحدة: ما نربح أكثر إلا إذا ربحت أنت أكثر.

غالبا حول 14 يوم (فترة التجهيز ماهي داخلة في الإشتراك). في هذه الفترة، نسلمك ملف الطلبات الأساسية، نسوي مقابلاتنا، نربط أدوات التحليل الخاصة فينا بمتجرك، نجهز الأصول الإبداعية، ونجهز لإنتاج اعلانات بدون توقف.
أحيانا نحتاج وقت أطول يوصل إلى 6 أسابيع لبعض البراندات اللي تحتاج وقت تجهيز أطول، أو في بعض أوقات المواسم عشان نتأكد ان التجهيز مايأثر على جودة الشغل لعملائنا الحاليين، بس الأكيد إننا نجهز كمية تخلي الحملة اذا انطلقت ماعاد توقف باذن الله.

فريق تشويش يشتغل على البيع المباشر كامل لبراندك من تخطيط وإطلاق وتحليل بالكامل، كل اللي نحتاجه من جهتك هو "نقطة تواصل" (شخص واحد من طرفكم) فاهم البراند، يوفر لنا الموافقات السريعة ويكون حلقة الوصل، ويفضل وجود فريق لادارة الموقع والتعديل عليه عند الحاجة.
باقي مجالات التسويق مثل ادارة حسابات السوشال ميديا او المسوقين بالعمولة او تحسين محركات البحث ممكن ندلك على جهات تقدمها لك.

النقطة الحلوة بالنسبة لك.. انه بيشتغل على براندك فريق كامل: استراتيجي، كاتب بيع مباشر، مدير حملات، مخرج إبداعي، وغيرهم، بس إنت تدفع اشتراك يمثل جزء من تكاليف الفريق لو إنك بتجيب فريق بخبرتهم داخليا، وهذا أول ربح لك.
بالنسبة لنا، نظام الزخم الخاص بتشويش يحتاج تركيز عالي وموارد ضخمة، مستحيل نقدم هالمستوى من الجودة لـ 50 أو حتى 20 عميل في نفس الوقت، فالـ 10 عملاء هم أقرب لشركاء نركز كل طاقتنا عشان نضاعف أرقامهم ونربح منهم عمولة أعلى.

لو بدأنا والأرقام ماكانت جيدة، تحليلنا اليومي والأسبوعي والشبه شهري والشهري يخلينا نكتشف أكبر فرص التحسين فوراً ونشتغل عليها، ونرجع نحلل ونطلع أكبر فرص التحسين ونشتغل عليها وهكذا، ما في مفاجآت نهاية الشهر.. أنت تشوف لوحة التقارير يومياً وتعرف بالضبط وين رايحين.
وهذه الطريقة الصحيحة للشغل في الحملات، لأنه ما ينفع نغتر ونتوقع إن إعلاناتنا بتبيع من أول يوم، الحقيقة إن كل ما اشتغلنا على فرص التحسين أكثر كل ما طلعنا بنتائج أربح لك.
لكن الصدق إحنا قبل مانوقع نحاول نتأكد من توافق العميل مع خطة تشويش من جميع النواحي (أحيانا نخلص التوقيع من اول اجتماعين واحيانا توصل 7 اجتماعات عشان احنا والعميل نكون متأكدين ان الشراكة غالبا بتثمر باذن الله).
بالنسبة لنا يهمنا إننا ما ندخل في شراكة إلا واحنا واثقين إننا بنحصل عمولة عالية منها، وبراند مبسوط بالنمو يستمر لأطول فترة ممكنة.

باسم الله علينا..
الحقيقة ان النجاح اللي أكبر من العمولة نفسها هو انه ولله الحمد على قد ماجاتنا عمولات عالية على قد ماكانوا أصحاب البراندات مبسوطين، وهذا دليل على نجاح طريقة التعاقد بفضل الله.